Shqipëri
![Edmond Dragoti](http://www.europe2038.eu/wp-content/uploads/DragotiEdmond-180x180.jpg)
Edmond Dragoti
Prof. Dr. Edmond Dragoti, profesor pranë Fakultetit të Shkencave Sociale, Universiteti Tiranës, ka një përvojë mbi 30 vjeçare në fushën e psikologjisë sociale dhe kërkimit shkencor. Eksperienca e tij përfshin informimin publik, lëvizjen sociale, komunikimin dhe trajnimin, edukimin dhe kërkimin në fushën e shëndetit publik, psikologjinë sociale, adoleshentët, migrimin dhe tregun e punës. Profesor Dragoti ka pasur dhe drejtuar pozicione të rëndësishme shtetërore si Këshilltar i Kryeministrit (2002), zëvendës Ministër i Kulturës, Rinisë dhe Sporteve (2004-2005), Rektor i Universitetit Publik të Beratit (2005), lektor me kohë të pjesshme në Universitetin e Athinës, Greqi, në kursin “Master në Studimet e Evropës Juglindore” ( 1999-2002). Është bashkëthemelues i departamentit të Punës Sociale dhe Psikologjisë së Aplikuar dhe drejtuesi i saj në vitet (1992-1999). Aktualisht është drejtues i departamentit të Punës dhe Politikës Sociale dhe lektor në universitetet publike të Elbasanit, Durrësit dhe Shkodrës.
![Rudina Rama](http://www.europe2038.eu/wp-content/uploads/RamaRudina-180x180.jpg)
Rudina Rama
Dr. Rudina Rama, është lektore pranë departamentit të Punës dhe Politikës Sociale, në Fakultetin e Shkencave Sociale, Universiteti i Tiranës. Ajo mori gradën shkencore Dr. pas përfundimit të një masteri në punë sociale në Universitetin e Tiranës dhe master në administrim publik nga Universiteti i Tiranës dhe i Nebraskës. Rudina ka një eksperiencë profesionale dhe kërkimi shkencor në fushën e marrëdhënieve me publikun, shëndetit publik, aftësisë së kufizuar, fëmijëve të rrugës dhe adoleshentëve, të drejtave të pacientëve, konsumimit profesional në fushën e shërbimeve humane dhe menaxhimin e projekteve. Ajo është bashkëthemeluese e diplomës bachelor të degës Administrim dhe Politika Sociale dhe Qendrës së Ekselencës, pranë Fakultetit të Shkencave Sociale.